科娜：红魔唔对办普雷斯顿博偷鸡
英足盃16强压轴戏码，由夺冠大热嘅曼联作客甲组仔普雷斯顿，「红魔鬼」近期表现畀人插到晕，攻势冇组织，淨係靠「烧味战术」，变咗队「长传队」，连领队尹戈尔都承认仲未搵到乜嘢阵式最啱曼联。哗！咁搞法，以前嗰支踢出流畅攻势嘅红魔几时先返嚟先？近3场全胜嘅普雷斯顿今场唔係冇得鍊，一于搏吓2.87倍嘅让球主胜！
排阵失当错置朗尼
「战术大师」尹戈尔近期自拆招牌，唔係乱排阵搵前锋朗尼踢防中，就係疯狂「斩料」，劲多长传，上场英超对般尼赢得有运兼肉酸，魔粉睇到眼火爆，咁嘅曼联真係唔掂，而且今场仲要有菲尔锺斯、尹佩斯同戴利白兰特呢3大主力因伤上阵成疑，加埋卡域克继续养伤，睇嚟朗尼都要继续客串踢防中嘞！
都係嗰句喇，英足盃一向係爆冷温床，英乙剑桥联都和到曼联0比0，英甲嘅普雷斯顿点解唔得先？佢哋经过一月嘅小低潮后，近排成功反弹，连赢3场，防守又唔太曳，要守住进攻单调、作客表现不稳嘅红魔唔係难事喎，受让博得过！
