科娜：鹿角蓄锐大起攰爆流浪者
另一场H组赛事，由日职嘅鹿岛鹿角喺主场迎战衞冕球队西悉尼流浪者。鹿岛鹿角今场养精蓄锐，又有强援甸尼尔加盟，攰爆嘅西悉尼流浪者今场输波都实属正常，不过考虑到1.43倍嘅主W太热冇肉食，不如博吓玩1.72倍嘅大盘仲和味。
（now670周三晚6时直播）
流浪者连场征战脚仔软
趁住新一季日职未开咧，鹿岛鹿角现时全心全意备战亚冠盃，相反澳职踢得如火如荼，喺联赛做紧包尾大幡嘅西悉尼流浪者刚作客完阿德莱德联，抖咗几日又要再远征日本，坚係顶唔顺喎！
流浪者贵为上届冠军，但科娜就唔多睇好呢支衞冕球队，事关佢哋今季表现劲跌Watt，作客成绩更係差到冇眼睇，表现曳爆，加埋班球员连场征战脚仔软，好难挡得住鹿岛鹿角一条强劲嘅攻击锋线。鹿岛鹿角得到维多利亚首席前锋甸尼尔加盟，加上球队头号射手达维留队，攻力更上一层楼，咪谂咁多一于捧大盘！
