科娜：森林做东唔惊你茅
易帅蜜月期大开派对
今轮英冠开快车，近期频频失分嘅般尼茅夫将会作客诺定咸森林。有时一队波喺低潮期换上新帅后，往往都会有段蜜月期，无论嗰位新帅係咪真係咁有料。森林今个月搵嚟曾执教保顿、但失败收场嘅费曼领军，结果近4战未输过，更场场入3球或以上，咁鬼死坚，今仗有得受让，1.65倍让球主胜同1.67倍大盘都可以玩吓！
（周四凌晨3时45分开赛）
前领队皮雅斯喺季初曾带领诺定咸森林取得11场不败，係威係势，但点知原来係一场虚火，队波愈踢愈沉，球会高层惟有喺今个月初怒炒皮雅斯，任命前保顿领队费曼执教。其实费曼最初带领保顿都有唔错成绩，可惜球队步入颓势后，就无力扭转局面，终喺上年10月同保顿和平分手。
费曼嚟到森林后，又係好似当初喺保顿咁，领军4场录得3胜1和佳绩，攻力更係劲到爆，场场都至少入3粒，唔理费曼嘅教波功力係咪真係咁坚，森林依家正处强势，班球员挞着晒，受让同入球大冇理由唔捧啩？
般尼茅夫主攻狂失波
落后紧争升班对手打比郡同米杜士堡嘅般尼茅夫，最大弱点始终係防守较差，最近4场一共失咗7球，即使攻力不俗，都补唔番后面失嘅波喇！般尼茅夫喺主场出战尚可靠住地利，以攻代守赢波，但作客就冇呢支歌仔唱，少帅艾迪侯域执意要踢进攻足球，搞到队波一作客就冇前冇后，近4作客输足3场，今场捧对家稳阵！
