美斯谦：恶气学生招呼ＳＣ巴斯隆拿
自由盃听朝会进行几场分组赛，其中第7组嘅学生队会喺主场恭候SC巴斯隆拿造访。学生队近期走势强劲，加上球队主场表现甚具恶气，今仗面对作客表现一般嘅SC巴斯隆拿，阿谦相信佢哋赢波应该毫无难度，主W属不二之选，进取嘅可以捧埋让球主胜。
（周四早上6时45分开赛）
有前有后着晒火
阿甲嘅学生队近期表现可以话係「着晒火」，最近3场波赢晒之馀更入咗7球只失1球，表现可以话係「有前有后」。学生队现时除中场路文马天尼斯因右脚足踝有伤上阵成疑外，其馀主力皆冇伤冇病可以夫添上阵，今仗主场出击赢波应该冇难度。
厄瓜多尔球队SC巴斯隆拿近况只属一般，啱啱喺联赛作客1比2输咗畀国家体育会，未能喺出征阿根廷前壮行色。SC巴斯隆拿后衞谢臣杜明基斯今仗因伤无法上阵，纵然阵中拥有两位阿根廷外援前锋伊斯美白兰高及费斯索迪，再加上乌拉圭后衞拿马斯，但要击败坐拥主场之利嘅学生队相信唔係易事。阿谦今仗睇好学生队可以喺主场奏凯，进取嘅可以捧埋让球主胜添！
