卡尔万：马体会平手图「利」文迪苏杰基沙文Fit到痹
今晚利华古逊会喺主场迎战马体会，「药厂」中坚奥马托柏克今场坐波监，拍档史柏希斯又患上「床单恐惧症」，防线中门大开，撞正弗到漏嘅马体会箭头文迪苏杰同基沙文，睇怕好难有运行，平手盘撑「床单兵团」！
（有线62及202周四凌晨3:45直播）
利华防线中门大开
「药厂」喺德甲歇冬后表现麻麻，5战只得1胜2和2负，而且近3场更狂失9球犹如不设防。最弊係今届欧联分组赛场场踢正选嘅奥马托柏克同史柏希斯，前者今场要停赛，后者之前効力西维尔嗰阵，4度面对「床单兵团」1场都未赢过，话佢有「床单恐惧症」都不为过，防线中门大开唔大败都偷笑！
相反马体会锋线近期弗到震，上场西甲斗艾美利亚，箭头文迪苏杰先拔头筹后，再两度助攻基沙文入波，两人近4场联手贡献8球。加埋教头施蒙尼盛传将续新约到2022年振奋士气，今场要撕破利华条防线唔係难事，而且马体会近5场欧联1球都冇失过，近况勇、往绩靓，平手盘唔捧等几时？
