Louis：罗马作客焗攻同飞燕诺做大骚
欧霸盃荷甲飞燕诺主场迎战意甲罗马，罗马虽被视为其中一支半热门，但首回合主场只能赛和飞燕诺，除未能胜出外更失去一个作客入球，今晚次回合作客焗抢攻，面对攻强于守，演出大起大落嘅飞燕诺会合演入球骚，大盘有2倍值得捧场。
（有线61及201台周五凌晨4时05分直播）
雌狼想晋级一定要入波
意甲劲旅「雌狼」罗马季初係威係势，但踢到季中频频失分，唔识赢波成为最大问题，踏入2015年三线作战共11场比赛竟然和咗8场，于意甲已被祖云达斯抛离9分，争霸基本上无望，所以对欧霸盃特别着紧，首回合失利后今仗必须取得入球方有机会，可幸攻击主力拿积同球队精神支柱托迪近况都大勇，有望攻破积弱嘅飞燕诺防线，但罗马近10场正式赛事中9场有失波，今仗同样难保清白之身。
飞燕诺对欧霸盃同样重视，首回合取得好成绩亦激起雄心，呢班波向来演出飘忽，欧霸既输过畀弱旅列积卡，但赢过西维尔同士砵亭，主因係攻强守弱，今晚有主场之利唔会死守，预期今仗入波唔会少。
