SAMVO肥叔：年青人受让咪走宝
爱华顿大把本钱hea踢
欧霸赛程频密，话咁快今晚又上演32强次回合，肥叔睇中英超分子爱华顿主场对瑞士二哥年青人，「拖肥」今季表现极度反覆，首回合又遥遥领先，仲要让半一咁多，梗係捧番年青人喇。
（有线64及203台周五凌晨4时05分直播）
睇开呢个专栏嘅读者，都会发现肥叔唔太锺意推介欧霸赛事，尤其係分组赛，与金矿般嘅欧联相比，欧霸始终搞极都搞唔起，同佢哋定位尴尬有关，呢项比赛奖金唔高，转播费唔多，吸引力自然低，搏老命踢搵得鸡碎咁多，难怪被视为鸡肋。
有见及此，欧洲足协决定搞搞新意思，如果今届成功封王嘅球队，可取得下届欧联入场券，咁又唔同讲法，即时提升各队战意，好似以往多数喺分组赛止步嘅意甲球队，竟有五队杀入淘汰赛，果然係见钱开眼。
拖肥3球在手坐定粒六
言归正传，肥叔今日推介场次係爱华顿主场对年青人，「拖肥」之前九场仅一败睇落唔错，但当中和咗六场，包括日前联赛几经辛苦逼和弱旅李斯特城，表现飘忽到晕，佢哋首回合劲抢缰大炒4比1，揸住3粒兼4个作客入球喺手，今仗有权hea踢，初盘「拖肥」要让半一咁多，不过有高水，看来庄家对佢哋信心麻麻，不妨转捧对家年青人。
