意甲争标分子罗马上个礼拜喺欧霸盃32强首回合主场同飞燕诺踢成1:1，失咗粒作客入球，就算近况唔多掂，但今晚次回合造访荷兰，为咗收复失地根本冇得缩，撞正飞燕诺喺主场锺意大踢性感足球，今场一于捧2倍入球大，等睇入球骚！
（有线61及201周五凌晨4:05直播）
翼锋伊度比伤愈
连同首回合被飞燕诺逼和，罗马近6场欧洲赛未赢过之馀，近10战亦只得1胜8和1负，今场係咪能够砌低对手晋级，真係话唔埋。不过「雌狼」锋线勐将如云，除托迪、谢云奴同杜姆比亚都候命搏杀外，翼锋伊度比亦克服膝伤随队出发荷兰，大大增加进攻本钱，趁住飞燕诺两名中后场主将恩马斯同韦舒基亚停赛，今场要入波唔係难事。
揸住粒作客入球喺手嘅飞燕诺，形势上睇落唔使急，但呢队波近期主场锺意踢性感足球，近4场赢晒劲轰10球嘅同时，但就场场有失波，今场斗焗攻嘅罗马，唔似保得住个清白身。
不过喺首回合有入波嘅卡森李察士，同前线拍档艾亚马迪都弗到漏，近4战主场夹手夹脚斩获4球，加埋擅于后上数胡嘅杜兰斯查，火力唔输蚀得过「雌狼」，两队锋将蓄势待发，2倍「大」波博得过吖！
首回合：飞客和1:1
