今晚举行嘅欧霸盃32强次回合比赛，其中一场瞩目戏码嚟自意甲嘅费伦天拿主场迎战英超球队热刺。双方喺首回合打和1:1，「紫百合」今场唔使心急抢攻，相反对手热刺随时分心英联盃决赛留力。横睇掂睇场波都唔似驳火格，吼1.82倍入球细。
（有线64及203周五凌晨2:00直播）
讲明留力英联盃决赛
「紫百合」依家手握1粒作客入球喺手，今晚重返主场出击大可睇定慢慢踢，何况佢哋历来4次欧战主场都未输过畀英格兰球会，兼且全部零封对手，热刺想攞「士哥」睇怕真係唔容易。虽然费伦门将达泰鲁辛奴休战改由尼图把关，但后者盛传获得祖云达斯垂青，之前因为衰唔续约先被雪藏，难得有机会担正「骚哥利」，相信尼图今晚梗会力保大门不失。
另边厢嘅热刺，由于嚟紧周日要同车路士争夺英联盃冠军，领队普捷天奴都话会谂办法平衡两场比赛嘅人脚。咁讲法睇怕主力哈利卡尼、基斯甸艾历臣就算有得踢，落场时间都唔慌多，艾迪巴约缺阵下前线得番苏尔达杜一个，咁样仲点做大骚先？
欧霸盃赛制
採主客两回合制，今轮为32强次回合。两回合计打和，计算作客入球优惠，未分胜负将于次回合法定时间后加时30分钟，加时阶段仍计作客入球优惠，再和即互射12码决胜。
首回合：费客和1:1
