「伦敦双雄」决战联赛盃之颠！车路士今晚同热刺喺温布莱争逐联赛盃冠军，热刺大红人哈利卡尼呢期着晒火，加埋细细个已经畀车仔请食柠檬嘅基斯甸艾历臣攻坚，缺少「扫把佬」尼曼查马迪嘅车路士都咪话唔危。既然车仔领队莫连奴讲明要报番年头输畀热刺3:5之仇，迪亚高哥斯达同夏萨特实搏晒命，今场梗系捧1.82倍大啦！
「孱仔」艾历臣证身价
热刺岩岩喺欧霸盃不敌费伦天拿出局，迭埋心水争联赛盃，虽然牌面上唔及车路士，但咪忘记佢的1月头曾经喺英超以5:3大胜「蓝战士」，全队上下当然想食过翻寻味。嗰场波梅开二度兼有两次助攻嘅哈利卡尼，近6场波丧入6球，当中有两球系比赛最后10分钟入，堪称热刺「救世主」，今晚随时又系呢位「准三狮兵」Show Time。
至于丹麦中场基斯甸艾历臣，赛前就自爆左单陈年往事，话佢喺14岁嗰阵有机会加盟车仔，但对方就嫌艾历臣太孱弱唔要佢。艾历臣家阵喺英超扬名立万，今铺肯定趁机会报仇，向「蓝战士」证明佢的走宝！
车仔防中马迪停赛
睇番另一边，车路士今仗有约翰米基尔养伤，不过最大剂就系尼曼查马迪停赛，呢位铁血防中平时扫走劲多波，为防线减轻唔小压力，冇左佢对车仔防守力肯定大受影响。不过「蓝战士」身为英超「一哥」，后面嘅漏洞梗有方法凭超强火力弥补，迪亚高哥斯达同夏萨特一个射得，一个扭得，加埋个超级右闸伊云洛域已经连续两仗有士哥，呢场「伦敦打吡决战」实大把波入！
（周一凌晨0:00 TVB301直播）
盘路解码
车路士今季大细比率系26场大（54%）、22场细（46%）。
Data King：车仔交手例先入波
两军近6次交手，车路士取得3胜2和1负。
双方近5次比赛开出3口半场大。
两军近6次对碰，蓝战士5次开出第一队入球。
乜都玩锦囊：车仔体力佔优撑上盘
车路士战将始终大战经验丰富，周中又冇欧联踢，体能点都比早两日先喺欧霸盃造访完费伦天拿嘅热刺秤先，「蓝战士」让半一，1.84倍上盘捧得过。
