今晚英超大战，利物浦主场对曼城，两军上周都失意欧洲赛，但返番联赛战线已无失分空间，肯定搏尽，而且两军对赛例多波入，一众杀手嘅脚风又咁顺，1.75倍入球大系最佳投注选择。
（now621台周日晚8:00直播）
利物浦岩岩喺欧霸盃射输12码畀比锡达斯，虽然「红军」有玩轮换，问题系始终踢足120分钟，加埋航班延误，返到利市已经系当地时间周五凌晨4点，相信唔少球员都身心俱疲，本来呢点对利物浦好不利，但考虑到曼城上周中都踢完欧联大战，最重要系佢的近年作客利物浦成绩极差，所以乐比认为两军都冇必胜把握，所以放弃让球盘，改向入球大埋手。
近6次对赛全开大
事实上，两班波近期嘅入球率都唔错，近10场联赛不败嘅「红军」平均有1.9个入球，虽然队长谢拉特养伤，但攻击重心史杜列治、史达宁同菲腊比古天奴都可以落场，其中古天奴上季两斗曼城都有波入，堪称福将。曼城比利物浦更弗，近两场英超分别大炒史笃城4:1及纽卡素5:0，主力射手阿古路近3战劲入4粒，依家喺射手榜同迪亚高哥斯达斗得难分难解，可惜「蓝月亮」条防线唔太稳阵，近6仗有5场有失波，队长高柏尼频频出丑，有利今场开大。
睇埋近6次交手全部开「大」，有5次总入球更达4球或以上，有晒数据支持。由于争标形势同欧联入场券嘅竞争都相当激烈，曼城落后榜首车仔5分，第6嘅利物浦则要争入前四，今场和波对两队形势都好不利，唔到佢的唔攻，1.75倍入球大相当吸引。
乐比推介
利物浦（入球大）
