澳职今日下昼有场独脚戏，由纽卡素喷射机主场对FC悉尼。喷射机近期连和3场，表现比之前有进步，今仗主场出击自然希望搵到久违嘅胜利。不过，FC悉尼近7仗未输过气势如虹，喷射机想赢唔係易事，但FC悉尼近期入得又失得，已经连续5场开出大盘，阿谦估计今场入波应该唔会少，1.72倍大盘值得支持。
（有线64及203周五下午4时40分直播）
喷射机自重整架构后已逐渐回复正常水平，近3仗皆打和对手表现似乎有番啲起色。喷射机今仗虽有门将云史特坦、后衞高般恩、中场祖舒巴里斯同占士域基利因伤缺阵，但有中场简达路夫斯基及后衞安祖贺利坐完波监复出，令球队实力更趋完整，今仗主场出击相信都会主动抢攻，务求取得久违嘅胜利。
真高5仗入8球着晒火
FC悉尼近7仗取得4胜3和表现非常稳定，主力射手奥地利前锋真高近5仗入8球可以话「着晒火」，今仗要喺喷射球身上取得入球相信唔係难事。不过，FC悉尼近5场赛事都有失波，证明防线唔係咁稳阵，今仗仲有后衞谢斯巴治及中场泰华利斯停赛，加上后衞积基斯法迪及奥尼洛夫斯基、中场历克卡利及艾希尔菲，以及前锋哥利加美路因伤缺阵，要保住清白之身相信唔係易事。而且，FC悉尼近5次作客喷射机有4次开出大盘，呢个对决似乎都几旺多波入，阿谦睇好今仗随时上演入球骚，捧有1.72倍嘅大盘。
