喷射机理应一飞冲天、傲视天下，偏偏泊喺澳洲新南威尔士省嗰架纽卡素喷射机，今季长期都挞唔着，佢哋家阵踢多2场都只能仅仅压住榜尾西悉尼流浪者3分排尾2。更大镬係呢架喷射机近年对亲FC悉尼例必死火，今场就算佢哋主场出击，相信都难逃一败，FC悉尼1.68倍客胜捧得过。
（有线64及203周五下午4:40直播）
喷射机飞悉尼例死火
喷射机今季19战赢得1场咁大把，失分失到乜信心都冇晒，加上失咗40球「荣膺」失波王，好难想像呢班波可以凭乜抢分！
虽然话中场简达路夫斯基今仗刑满复出，不过佢哋对住FC悉尼已经连食361分钟白果，仲要撞正前锋艾臣蒙达路呢排闹入球荒，点捧得落手？
相反对手FC悉尼愈战愈勇近5战取得4胜1和佳绩，「升呢」成为其中一队争标分子。何况首席射手真高近期着晒火，连续5仗入波合共轰入8球，唔讲唔知呢位奥地利前锋作客零舍醒神，作客入球佔总入球数字逾7成，有佢孭飞，要拆散喷射机唔係难事。
