真高劲旺 大卫威廉斯破入球荒
澳职今日有入球高手大对决上演，FC悉尼喺主场对墨尔本城，两大中锋真高同大卫威廉斯会正面对撼，大家知啦，悉尼射手真高踏入2015年后旺到难以想像，对面嘅大卫威廉斯近排又开始上力，咁嘅情况今场梗系要追1.65倍入球大啦！
（有线64及203周五下午4:40直播）
真高连续7场入波
唔系讲笑，FC悉尼喺2015年有6胜2和，现时正为常规赛冠军而战，计埋上星期主场以5:4打沉布里斯班狮吼梅开二度，真高更加已经连续7场入波，证明佢喺澳职超晒班。对手墨尔本城仲争紧季后赛资格，可翼可锋嘅大卫威廉斯打破长达３个月入球荒，加上后卫干洛卓文停赛，后防实力削弱更易开入球骚。
