九叔：札幌黑匕首追斩不死鸟
往绩系就系输晒呀，但系札幌冈萨多今季大幅增加投资，人强马壮，今日响日乙主场迎战京都不死鸟，平手盘有机会开出1.88倍主胜，唔博等几时？
（开赛时间：周三晚6:00）
札幌呢支北海道球队岩岩公布左财政状况，由于呢3年广告收入大增成36巴仙，连续3年有盈馀，所有债务抵清晒不特止，仲有1,575万日圆（约101万港元）剩低，今季应该攞到日职参赛特许证，只要战绩掂就可以升班。
京都出闸脱脚
正因为早就计过数，知道升班唯一最大障碍─欠债，终于消除，札幌今季好肯使钱扩军，甲队嘅军费由旧年嘅3.9亿日圆上调到5.15亿日圆（约3,326万港元），所以搵到稻本润一返嚟拍住小野伸二，重组昔日日本国家队黄金中场，仲由岐阜撬埋件日乙TopClass射手拿沙列返嚟，计实力攞唔到头两名都够资格入升班附加赛。
虽然近5次对战都赢唔到京都，小野伸二打柴有排未出得，保拿奥上场对大宫松鼠仲做埋「红牌阿姑」，都仓贤、前田俊介两件中前场攻击球员出唔出得都未知，但系佢的嘅锋力相当唔错，开季4场波入到5球，尤其稻本策动嘅长传突袭，岩晒拿沙列嘅胃口，呢件黑匕首亦都入左3球，连京都班人赛前都话要谂计搞掂佢两位。
京都咁紧张唔系冇道理，事关往绩始终系过左去嘅事，几肋都系PastTense，反而佢的今季出闸脱脚，开季得1胜1和2负，只系赢过队跛嘅福冈黄蜂，就唔能够唔到佢的心惊。由于自知状态曳，京都今日早就迭埋心水龟缩，呢啲波梗系拣主场兼主动进攻嘅札幌啦。
