走肖：誓炒普雷斯顿救命
魔王尹戈尔闻到镬气
英足盃16强值得捱眼瞓吼实，普雷斯顿喺主场越级挑战曼联，睇怕有好戏睇。最近红魔被网民强力耻笑係长传队，领队尹戈尔更加被格拉沙家族成员急Call照肺，佢老人家唔想被炒鱿咁冇面，就要整场2.08倍「让球客胜」威番次！
（now621及633台周二凌晨3:45直播）
普雷斯顿日前喺英甲作客以2:0砌低高车士打，连赢3场反弹，可惜前锋保罗加拉查同碧福特因为伤病踢都未必够态，搞到近排要用37岁嘅奇云戴维斯，伙拍未彻底伤愈嘅首席射手祖加拿数胡，赛程太密对佢哋好不利，随时冇晒反抗能力。
作客差畀老闆照肺
曼联日前喺英超主场以3:1打沉般尼，睇比数以为佢哋好叻，实情网民觉得佢哋赢在够运，而且踢法似足低组别球队玩高Q大棍，史高斯讲波时更加用「可怜」形容依家嘅红魔。至弊係射手尹佩斯同后衞菲尔锺斯喺比赛中伤埋，呢场睇怕唔使预佢哋。
其实曼联唔能够真正反弹，好大原因係作客唔对办，对上7场作客得2胜5和，上一圈连乙组嘅剑桥联都赢唔到，领队尹戈尔甚至被格拉沙家族成员嗌去照肺，闻到鱿鱼香，传闻更加话红魔已打算搵皇马教练安察洛堤接手。咁大镬，信多尹戈尔一次啦！
