九叔：恒大抢钱绝不留「首」
每个淨胜球奖300万人仔
战胜曾经的自己！今日响亚冠盃H组首战主场出击，迎战韩职「老」牌强队FC首尔嘅广州恒大淘宝（足智彩译FC广州），就係用呢句说话嚟做宣传海报，反映出佢哋决心大炒仇家，2.2倍「让球主胜」抵博。
（now671台周三晚8:00直播）
FC首尔莫财卖主力
恒大、首尔前年响亚冠盃决赛相遇，两度交锋踢成3:3，恒大凭作客入球优惠封王，大家嘅牙齿印几深吓。今次冤家碰头，恒大虽则少咗后防大将张琳芃，前锋郜林又停赛，但係列卡度高拉特、艾杰臣呢对巴西攻击组合坚过石坚，面对因为资金不足，卖走唔少当打球员，靠车斗里、金龙大、金致佑、郑祖国同金珍圭呢五件三张嘢阿叔支撑大局嘅首尔，恒大单係打速度同紧迫都搵到食。何况恒大今年除咗每赢一场奖300万人仔，每淨胜1球再醒多300万，想佢班人唔去尽都难，首尔今次大煲嘞！
